دبئی: عالمی شہرت یافتہ ٹی20 کرکٹرز بابر اعظم، فخر زمان، نسیم شاہ، حارث رؤف، فل سالٹ، ٹام بینٹن، رحمان اللہ گرباز، ونیندو ہسرنگا، فاف ڈو پلیسی اور لیام لیونگ اسٹون ڈی پی ورلڈ انٹرنیشنل لیگ ٹی20 (آئی ایل ٹی20) سیزن 5 کے پلیئرز آکشن میں توجہ کا مرکز ہوں گے۔پلیئرز آکشن یکم اکتوبر کو دبئی کی آئی سی سی اکیڈمی انڈورز میں ہوگا، جس میں 23 ممالک کے 200 سے زائد کھلاڑی شامل ہوں گے۔ کھلاڑیوں کو 80 ہزار، 40 ہزار اور 10 ہزار امریکی ڈالر کی بنیادی قیمت کی تین کیٹیگریز میں تقسیم کیا گیا ہے۔80 ہزار ڈالر کی کیٹیگری میں بابر اعظم، فخر زمان، نسیم شاہ، حارث رؤف سمیت کئی بڑے نام شامل ہیں، جبکہ شاداب خان 40 ہزار ڈالر اور متعدد دیگر کھلاڑی 10 ہزار ڈالر کی کیٹیگری میں شامل ہیں۔یو اے ای، کویت اور سعودی عرب کے کھلاڑی 10 ہزار ڈالر کی بنیادی قیمت سے آکشن میں شامل ہوں گے۔ ہر فرنچائز کو ایک یو اے ای کھلاڑی کے لیے رائٹ ٹو میچ (RTM) استعمال کرنے کی اجازت ہوگی۔ہر فرنچائز آکشن میں کم از کم 15 لاکھ اور زیادہ سے زیادہ 20 لاکھ ڈالر خرچ کرے گی، جبکہ اسکواڈ میں 18 سے 23 کھلاڑی شامل ہوں گے۔ آئی ایل ٹی20 سیزن 5 کا انعقاد 21 نومبر سے 20 دسمبر 2026 تک ابوظہبی، دبئی اور شارجہ میں ہوگا۔
