یورپین یونین نے جی بی آر ایس پی کے ساتھ بھر پور تعاون کی یقین دہانی کرائی ہے اور یورپین یونین کے اعلیٰ آفیسر روبرٹو نے کہا ہے کہ جی بی آرایس پی عوامی نوعیت کے اہم منصوبوں میں اے کے ڈی این سے فنی اور تکنیکی معاونت اور عوامی فلاح کے منصوبوں کے لئے مشترکہ اقدامات پر اتفاق کرے۔گزشتہ روز گلگت بلتستان رورل سپورٹ پروگرام کےچیف ایگزیکٹیو آفیسر عبدالطیف کی قیادت میں وفد نے یورپین یونین کے اعلیٰ آفیسر روبرٹو سے تفصیلی ملاقات کی اور اجلاس میں جی بی آر ایس پی کے بنیادی مقاصد کے حوالے سے بریفنگ دی. بریفنگ میں ادارے کے اغراض و مقاصد اب تک کی کارکردگی و اقدمات اور آئندہ کے لائحہ عمل کے حوالے سے تفصیل سے آگاہ کیا ، تفصیلی بریفنگ کے بعد روبرٹو نے ادارہ ہذا کی کاوشوں کو زبردست الفاظ میں سراہا اور یورپی یونین کے پلیٹ فارم سے مکمل تعاون کی یقین دہانی کراتے ہوئے کہا کہ گلگت بلتستان کی ترقی اورخوشحالی کے حوالے سے جی بی آر ایس پی اور اے کے ڈی این مشترکہ طور پر کام کو آگے بڑھانے کیلئے تیار ہوں تو ہمارے لئے بھی تعاون کرنے میں دشواری کا سامنا نہیں کرنا پڑے گا۔ ہم بھی یہی چاہتے ہیں کہ گلگت بلتستان کا ہر حصہ ترقی کی راہ پر گامزن ہوتا کہ یہاں کے لوگوں کے معیار زندگی میں مثبت تبدیلی آسکے۔ گلگت بلتستان رورل سپورٹ پروگرام کے ساتھ غیر معمولی تعاون کی یقین دہانی پر عبدالطیف نے روبرٹو کا شکریہ ادا کیا اور گلگت بلتستان کی تعمیر و ترقی کے لئے ان کے عزم پر انہیں خراج تحسین پیش کی اور امید کا اظہار کیا کہ یورپین یونین خطے کی تعنیر و ترقی کے لئے مستقبل میں جی بی آر ایس پی کے ساتھ تعاون جارینرکھے گا اجلاس کے آخر میں سی ای او عبدالطیف اور جنرل منیجراشفاق احمد نے ادارے کی جانب سے تحائف اور سوینئیر بھی پیش کیا۔
