کینیڈا کی وفاقی حکومت نے اعلان کیا کہ وہ 27.6 ارب کینیڈین ڈالر یعنی تقریباً 20 ارب امریکی ڈالر مالیت کی امریکہ سے درآمد کی جانے والی 700 سے زائد مصنوعات پر جوابی محصولات عائد کرے گی۔ محصولات کی شرحیں 15، 25 اور 50 فیصد مقرر کی گئی ہیں۔
کینیڈین وفاقی عہدہ داروں نے کہا کہ جوابی محصولات سے متاثر ہونے والی امریکی مصنوعات کی مجموعی مالیت تقریباً اتنی ہی ہے جتنی مالیت کی کینیڈین مصنوعات پر امریکہ نے 50 فیصد محصولات عائد کیے ہیں، یوں کینیڈا کی کارروائی "مساوی اور برابری کی بنیاد پر” جوابی اقدام ہے۔
کینیڈا کے جوابی محصولات 8 ستمبر سے باضابطہ طور پر نافذ ہوں گے۔ کینیڈا کی وزارتِ خزانہ کی جانب سے جاری کردہ فہرست کے مطابق جوابی محصولات بنیادی طور پر اسٹیل و ایلومینیم، ڈیری مصنوعات، گھریلو برقی آلات، زرعی آلات، پلپ اور کاغذ، پلاسٹک اور الیکٹرانک مصنوعات سمیت مختلف شعبوں کی اشیا پر عائد کیے جائیں گے۔
