ویلنگٹن(آئی پی ایس) نیوزی لینڈ نے پانچویں ٹی 20 میچ میں پاکستان کو 8 وکٹوں سے شکست دیکر سیریز 1-4 سے اپنے نام کرلی، میزبان ٹیم نے ٹم سیفرٹ کے برق رفتار 97 رنز کی بدولت 129 رنز کا ہدف 10 اوورز میں حاصل کرلیا، پاکستان کی جانب سے دونوں وکٹیں سفیان مقیم نے حاصل کیں۔
ویلنگٹن میں کھیلے جانے والے سیریز کے آخری میچ میں نیوزی لینڈ نے ٹاس جیت کر پاکستان کو پہلے کھیلنے کی دعوت دی۔پاکستان نے مقررہ 20 اوورز میں 9 وکٹوں کے نقصان پر 128 رنزبنائے، نصف سنچری بنانے والے کپتان سلمان علی آغا اور 28 رنز بنانے والے شاداب خان کے علاوہ کوئی قابل ذکر کھیل پیش نہ کرسکا جبکہ 8 بلے باز ڈبل فگر میں بھی داخل نہ ہوسکے۔حسن صفر، محمد حارث 11، عمیر یوسف اور عثمان خان 7،7 رنز بناکر پویلین لوٹے جبکہ عبدالصمد بھی 4 رنز ہی بناسکے۔شاداب خان 28، جہانداد خان ایک، حارث رف 6 جبکہ سفیان مقیم اور محمد علی کھاتا کھولے بغیر پویلین لوٹے۔نیوزی لینڈ کی جانب سے جیمز نیشم نے 5، جیکب ڈی 2 جبکہ بین سیئرز اور اش سوڈھی نے ایک ایک کھلاڑی کو آٹ کیا۔ٹیم سیفرٹ نے 10 چھکوں اور 6 چوکوں کی مدد سے 38 گیندوں پر 97 رنز کی برق رفتار اننگز کھیلی جس کی بدولت نیوزی لینڈ نے 128 رنز کا ہدف 10 اوورز میں 2 وکٹوں کے نقصان پر پورا کرلیا،
پاکستان کی جانب سے دونوں وکٹیں سفیان مقیم نے حاصل کیں۔قبل ازیں، آخری میچ کے لیے پاکستانی ٹیم میں 3 تبدیلیاں کی گئی تھیں، شاہین شاہ آفریدی، خوشدل شاہ اور ابرار احمد کو ڈراپ کرکے عمیر بن یوسف، سفیان مقیم اور عثمان خان کو موقع دیا گیا تھا۔
پاکستانی اسکواڈپاکستانی ٹیم کپتان سلمان علی آغا، محمد حارث، حسن نواز، عمیر بن یوسف، عثمان خان، شاداب خان، عبدالصمد، جہانداد خان، حارث رف، سفیان مقیم اور محمد علی پر مشتمل تھی جبکہ نیوزی لینڈ کا اسکواڈکیوی ٹیم ٹم سیفرٹ، فن ایلن، مارک چیپ مین، ڈیرل مچل، جمی نیشم، مچ ہے، کپتان مائیکل بریس ویل، اش سوڈھی، جیکب ڈفی، بین سیئر اور ول اورورکی پر مشتمل تھی۔
