راولپنڈی(آئی پی ایس)راولپنڈی سمیت ملک بھر میں گیس کا بحران شدت اختیار کر گیا، کئی شہروں میں گیس کی شدید کمی کے باعث شہریوں کو پریشانی کا سامنا ہے۔
تفصیلات کے مطابق راولپنڈی بھر میں گیس کی لوڈ شیڈنگ کے باعث عوام کو شدید مشکلات کا سامنا کرنا پڑ رہا ہے ،فیض آباد ،شمس آباد ،ڈھوک کالا خان ، کری روڈ ، صادق آباد ،چاندنی چوک ،صدر ،کھنہ پل سمیت مختلف علاقوں میں گیس کی غیر اعلانیہ لوڈ شیڈنگ نے شہریوں کا جینا محال کردیا ہے
،دوسری جانب حکومت کا مؤقف ہے کہ پیک آورز میں گیس کی فراہمی معمول کے مطابق ہے، گیس کی لوڈشیڈنگ مخصوص گھنٹوں میں ہوتی ہے۔حکومت کا کہنا ہے کہ بعض مقامات پر گیس پریشر کا مسئلہ موجود ہے۔
