سینگل ۔۔۔۔۔ 15 جنوری 2022 کو سینگل گراؤنڈ میں سینگل، گیچ گوہر آباد اور تھنگداس کے عوام کا گرینڈ جلسہ منعقد ہوا۔ اجلاس کا بنیادی ایجنڈا عمائدین پر انسداد دہشت گردی اور دیگر مقدمات اور 10 جنوری کو پیش کئے گئے پانچ نکاتی ایجنڈا پر ہونے والے ڈیڈ لاک کے حوالے سے اگلا لائحہ عمل تیار کرنا تھا۔
دھرنے کے شرکا نے متفقہ طور پر اگلا لائحہ عمل کے طور پر مندرجہ ذیل نکات پر متفقہ فیصلہ کیا۔
1۔ تمام مطالبات کی منظوری تک روزانہ 7 گھنٹے دھرنا دیا جائے گا۔
2۔ جھوٹی ایف آئی آر درج کرنے والوں کے خلاف غیرجانبدار انکوائری کرکے انہیں سزا دی جائے۔
3۔ تمام مقدمات بے بنیاد ہے جنہیں فوری ختم کیا جائے۔
4۔ دس جنوری کو پیش مطالبات میں 5 فوری طور پر تسلیم کرکے اسے تحریری شکل میں عوام کے سامنے پیش کیا جائے ۔
5۔ امن کمیٹی اور انتظامیہ نے وقت مانگا ہے جو دینے کوتیار ہیں انتظامیہ اور امن کمیٹی معاہدہ کو ازسرنو تحریری شکل میں لانے کے لیے اپنا کام کریں، اور مقدمات ختم کرانے میں اپنا کردار نبھائے۔
6۔ دھرنا روزانہ صبح 10 سے دوپہر 3 بجے تک جاری رہے گا۔
7۔ مرکزی دھرنا سنگل ریسٹ ہاوس پر دیا جائے گا اس کے علاوہ گوہر آباد ,گیچ اور تھینگداس میں بھی دھرنا کیمپ لگیں گے۔
8۔ دھرنے کے لئے وہاں کوئی سٹیج نہیں ہوگا، یہ ایک عوامی بیٹھک ہوگی جہاں نوجوانوں کی تعلیم و تربیت ہوگی۔ غذر بالخصوص پونیال کے سیاحت پر گفتگو ہوگی نوجوان شاعری اور موسیقی کا اہتمام کریں گے اور فکری نشستیں ہوں گی دھرنے میں تمام چار گاؤں کے بچوں کی فری ٹیوشن کلاسز لی جائیں گی۔
