لاہور(آئی پی ایس)وزیر اعلیٰ پنجاب پرویز الہٰی کا آٹے کی قیمتوں میں اضافے پر اظہار ناراضی کیا ہے۔ذرائع کے مطابق آٹےکی قیمتوں میں اضافے پر وزیر اعلیٰ پنجاب پرویز الہٰی نے سیکریٹری فوڈ اور ڈائریکٹر فوڈ کی سرزنش کی ہے۔
وزیر اعلیٰ پنجاب نے افسران سے اظہار برہمی کرتے ہوئے سوال کیا کہ عوام آٹے کی بڑھتی قیمتوں سے پریشان دکھائی دے رہے ہیں، آپ دفتروں میں بیٹھے کیا کارکردگی دکھارہےہیں؟انہوں نے کہا کہ ہم نے لوگوں سے گڈگورننس کاوعدہ کر رکھا ہے، گندم کوٹہ اور امدادی قیمت بھی بڑھائی پھر بھی یہ حال کیوں؟وزیراعلیٰ پنجاب نے افسران کو آٹے کی فراہمی کو فوری معمول پرلانے کی ہدایت کردی۔
