ایران کی خبر رساں ایجنسی کے مطابق اقوام متحدہ میں ایران کے مستقل مندوب امیر سعید ایروانی نے کہا کہ اسی دن ایران پر اسرائیلی حملے میں اعلیٰ فوجی افسران سمیت 78 افراد ہلاک اور 320 سے زائد زخمی ہوئے جن میں سے زیادہ تر عام شہری تھے۔
دریں اثنا اسرائیل کی ایمرجنسی تنظیم "ریڈ ڈیوڈ شیلڈ” کی رپورٹ اور اسرائیلی میڈیا رپورٹس کے مطابق 13 جون کی شام سے اسرائیل پر ایران کے حملے میں تین اسرائیلی شہری ہلاک اور درجنوں زخمی ہو چکے ہیں۔
اسرائیل کے فوجی ترجمان نے تیرہ تاریخ کی شام کو ایک پریس کانفرنس میں کہا کہ ایران کے خلاف اسرائیل کا فوجی آپریشن ابھی جاری ہے۔
انہوں نے مزید کہا کہ اسرائیلی فوج نے 200 سے زیادہ ایرانی اہداف پر حملے کیے ہیں۔ ایران کا شہر اصفہان اور نطنز ان اہداف میں شامل ہیں جن کی نشاندہی اسرائیل نے جوہری تنصیبات پر حملوں کے لیے کی ہے۔ اس سے قبل ایک فضائی حملے کے دوران اسرائیلی افواج نے مغربی ایران میں ہمدان اور تبریز میں دو فضائی اڈوں پر حملہ کیا تھا جس کے نتیجے میں تبریز کا فضائی اڈہ مکمل طور پر تباہ ہوگیا ۔ آئی ڈی ایف نے درجنوں ایرانی اہداف پر بھی حملہ کیا اور انہیں تباہ کیا جن میں ڈرون اور زمین سے زمین تک مار کرنے والے میزائل لانچر بھی شامل ہیں۔ اسرائیلی میڈیا رپورٹس کے مطابق 13 تاریخ کی رات وسطی ایران کے شیعہ مقدس شہر قم کے قریب فردو جوہری تنصیب پر بھی حملہ کیا گیا۔
