اسلام آباد(آئی پی ایس)حکومت کی جانب سے مصنوعی ذہانت پر چلنے والی ایپلی کیشن چیٹ جی پی ٹی سے متعلق صارفین کو خبردار کر دیا گیا ہے۔
حکومت نے صارفین کو ہدایات جاری کرتے ہوئے کہا ہے کہ وہ چیٹ جی پی ٹی استعمال کرتے ہوئے حساس معلومات شیئر نہ کریں کیونکہ چیٹ جی پی ٹی میں مالویئر اور جعل سازی ای میلز پیدا کرنے کی صلاحیت موجود ہے۔
صارفین کے لئے حکومت کی جانب سے جاری کی گئی ایڈوائزری کے مطابق مصنوعی ذہانت کی ایپلی کیشن چیٹ جی پی ٹی کے ذریعے دھوکہ دہی ای میلز اور مس انفارمیشن پھیلائی جاسکتی ہے،کہا گیا ہے کہ صارفین چیٹ جی پی ٹی کے استعمال کے دوران ذاتی ڈیٹا اور مالی معلومات شیئر کرنے سے گریزکیا جائے۔
ایڈوائزری کے مطابق آن لائن ٹریفک ای میلز کی تصدیق کے بعد لنک کھولے جائیں، آفیشل موبائل فون پریہ ایپلی کیشن استعمال نہ کرنے کی ہدایت کی گئی ہے، سکیورٹی مسائل کی صورت میں فوری طور پر اوپن اے آئی کو شکایت کرنے کا کہا گیا ہے۔
