پنجاب کے 24اضلاع میں اسکولوں میں موسم سرما کی تعطیلات کا آج آخری دن ہے، کل (7 جنوری)سے اسکول کھل جائیں گئے۔تفصیلات کے مطابق سیکرٹری اسکولز ایجوکیشن کا کہنا ہے کہ موسم سرما کی چھٹیوں میں مزید توسیع نہیں ہو گی۔ ہفتے میں تین دن چھٹیوں کی پالیسی کا سلسلہ 15 جنوری تک چلے گا۔ کورونا کے کیسز بڑھنے پر اسکولوں میں چھٹیاں بڑھانے کی تجویز بھی زیر غور تھی۔سیکرٹری اسکولز ایجوکیشن غلام فرید نے غیریقینی صورتحال ختم کرتے ہوئے واضح کیا ہے کہ چھٹیوں میں توسیع نہیں کی جا رہی اور تمام اسکول شیڈول کے مطابق اپنی مقررہ تاریخ پر کھلیں گے۔دوسری جانب وزیر تعلیم پنجاب مراد راس کا بھی اس حوالے سے اہم بیان سامنے آگیا ہے۔صوبائی وزیر مراد راس کا کہنا ہے کہ حکومت نے 6 جنوری تک سرما کی چھٹیوں کا اعلان کیا ہے۔جمعہ کو اسکول کھلیں گے اور اس کے بعد طلبہ ہفتہ اتوار اور پیر کو دوبارہ تین دن چھٹیاں کریں گے۔صوبائی وزیر تعلیم پنجاب مرادراس نے کل سے اسکول کھلنے کا ٹوئیٹ کرتے ہوئے کہاکہ تمام طلبا اور اساتذہ کوخوش آمدید کہتے ہیں۔انہوں نے مزید کہاکہ حکومت کے جاری کردہ کورونا ایس اوپیز پر عمل درآمد یقنینی بنایاجائے۔
