اسلام آباد،وفاقی ترقیاتی ادارے (سی ڈی اے ) کی انتظامیہ کی ہدایت پر اسلام آباد کو مزید خوبصورت اور پرکشش بنانے کیلئے اسلام آباد کے مختلف انڈر پاس کی دیواروں، شاہراہوں اور پلوں پر تزئین و آرائش اور خطاطی(آرٹ ورک)کا کام تیزی سے جاری ہے ۔
سی ڈی اے انتظامیہ کی خصوصی ہدایت پر سی ڈی اے کے متعلقہ شعبہ نے اسلام آباد کے انڈر پاسز کی دیواروں، شاہراہوں پر واقع بس اسٹاپس اور پلوں پر تزئین و آرائش اور خطاطی (آ رٹ ورک)کام تیزی سے شروع کردیا ہے تاکہ دیکھنے والی آنکھ کو دلکش اور دلفریب منظر دکھائی دے، تزئین و آرائش اور خطاطی (آرٹ ورک)میں پاکستان کے چاروں صوبوں کی ثقافت، تہذیب و تمدن کو اجاگر کیا جائے گا، تاکہ آ ئندہ آ نے والی نسلوں کو چاروں صوبوں کی ثقافت، تہذیب و تمدن کو منتقل کیا جاسکے، شہر کی تزئین و آرائش اور خطاطی (آرٹ ورک)سے سیاحت کو بھی فروغ حاصل ہوگا۔اس ضمن میں سی ڈی اے انتظامیہ نے متعلقہ شعبے کو ہدایات جاری کرتے ہوئے کہا جلد ہی تزئین و آرائش اور خطاطی (آرٹ ورک)کے کام کو پایہ تکمیل تک پہنچایا جائے۔
