سربیا کے صدر الیگزینڈر ووچیچ نے عوام سے خطاب میں اپنے استعفیٰ کا اعلان کیا۔ ووچیچ نے اپنے خطاب میں سربیا کے عوام کا شکریہ ادا کیا کہ انہوں نے دو بار صدارتی انتخاب میں ان پر اعتماد کیا۔
اس کے بعد، الیگزینڈر ووچیچ نے استعفیٰ پر دستخط کیے اور سرکاری طور پر سربیا کے صدر کے عہدے سے سبکدوش ہو گئے۔ یوں ان کی دوسری صدارتی مدت کا اختتام قبل از وقت ہوا ۔ اس سے قبل یہ اعلان کیا گیا تھا کہ وہ اگلی حکومت کے وزیر اعظم کے لیے ہونے والے انتخابات میں حصہ لیں گے۔
یاد رہے کہ 9 تاریخ کو، ووچیچ نے پارلیمنٹ کی تحلیل کے صدارتی حکم نامے پر دستخط کیے تھے اور اعلان کیاتھا کہ 25 اکتوبر کو قبل از وقت پارلیمانی انتخابات ہوں گے۔
الیگزینڈر ووچیچ اپریل 2017 میں پہلی بار اور مئی 2022 میں دوسری بار سربیا کے صدر منتخب ہوئے تھے۔ سربیا کے آئین کے مطابق، صدر کی مدت 5 سال ہے اور ایک ہی شخص دو بار صدر منتخب ہو سکتا ہے ۔
