شاہ جیونا :(آئی پی ایس) پنجاب ولیج کرکٹ کونسل شاہ جیونا کے زیرِ اہتمام 34واں فلڈ لائٹس جشنِ آزادی کرکٹ ٹورنامنٹ 2026 بمقام صابر آباد، ٹھٹھہ جھبانا شاندار اور پرجوش ماحول میں منعقد ہوا، جس میں مختلف علاقوں سے تعلق رکھنے والی کرکٹ ٹیموں نے بھرپور شرکت کی۔ٹورنامنٹ کے انعقاد اور کامیابی میں پنجاب وی سی سی کی کابینہ نے بھرپور کردار ادا کیا۔ چیئرمین، جنرل سیکرٹری، نائب عہدیداران، تمام کابینہ ممبران، انتظامی کمیٹی، ڈسپلن کمیٹی، اسکورنگ و میڈیا کمیٹی اور رضاکاروں نے دن رات محنت کر کے ایونٹ کو کامیاب بنایا۔ گراؤنڈ کی تیاری، پچ کی دیکھ بھال، فلڈ لائٹس، سیکیورٹی اور کھلاڑیوں و شائقین کے لیے بہترین ماحول کی فراہمی کو خصوصی طور پر یقینی بنایا گیا۔شاندار انعامات نے ٹورنامنٹ کی رونق دوبالا کر دی34ویں پنجاب وی سی سی جشنِ آزادی کرکٹ ٹورنامنٹ میں کھلاڑیوں اور ٹیموں کی حوصلہ افزائی کے لیے خصوصی انعامات رکھے گئے تھے۔ چیمپئن ٹیم کو 50ہزارروپے نقد انعام اور شاندار ٹرافی جبکہ رنر اَپ ٹیم کو25ہزارروپے نقد انعام اور ٹرافی سے نوازا گیا۔اس کے علاوہ سیمی فائنل میں پہنچنے والی ٹیموں کے لیے بھی نقد انعامات رکھے گئے، جبکہ کوارٹر فائنل مرحلے میں پہنچنے والی ٹیموں کی بھی حوصلہ افزائی کی گئی۔انفرادی کارکردگی دکھانے والے کھلاڑیوں کے لیے بھی خصوصی انعامات کا اہتمام کیا گیا۔ مین آف دی فائنل، بہترین بلے باز اور بہترین باؤلر کو نقد انعام اور ٹرافی دی گئی۔ اس کے علاوہ سنچری بنانے والے کھلاڑی اور ہیٹ ٹرک کرنے والے باؤلر کو بھی خصوصی انعامات اور ٹرافیاں دے کر ان کی بہترین کارکردگی کو سراہا گیا۔ٹورنامنٹ کے دوران بہترین انتظامات، وقت کی پابندی، شفاف امپائرنگ، اسکورنگ سسٹم، ٹیم مینجمنٹ، گراؤنڈ انتظامات، میڈیکل سہولت اور میڈیا کوریج پر خصوصی توجہ دی گئی۔ رات کے وقت فلڈ لائٹس کی روشنی میں کھیلے جانے والے سنسنی خیز مقابلوں نے شائقینِ کرکٹ کے جوش و خروش کو مزید بڑھا دیا۔جشنِ آزادی کے موقع پر منعقد ہونے والے اس ٹورنامنٹ کے لیے پنجاب VCC کی جانب سے بھرپور تشہیری مہم بھی چلائی گئی۔ خوبصورت اشتہارات، فلیکسز، ٹیم پوسٹرز، سوشل میڈیا پروموشن، لائیو اسکور اپڈیٹس اور مختلف اعلانات کے ذریعے کرکٹ شائقین کو ٹورنامنٹ کی سرگرمیوں سے باخبر رکھا گیا۔ اسپانسرز نے بھی ایونٹ کی کامیابی میں بھرپور تعاون کیا۔پنجاب وی سی سی کی کابینہ نے کہا کہ پنجاب ولیج کرکٹ کونسل کا مقصد صرف کرکٹ کے مقابلوں کا انعقاد نہیں بلکہ نوجوانوں کو مثبت سرگرمیوں کی طرف راغب کرنا، مقامی ٹیلنٹ کو سامنے لانا اور کھیلوں کے ذریعے بھائی چارے، اتحاد اور محبت کو فروغ دینا ہے۔کابینہ کی جانب سے ٹورنامنٹ میں شرکت کرنے والی تمام ٹیموں، کھلاڑیوں، امپائرز، اسکوررز، منتظمین، میڈیا نمائندگان، اسپانسرز، سیکیورٹی اہلکاروں اور شائقینِ کرکٹ کا خصوصی شکریہ ادا کیا گیا۔ کابینہ نے کہا کہ تمام ساتھیوں کی محنت، نظم و ضبط اور تعاون کے بغیر اتنے بڑے ایونٹ کا کامیاب انعقاد ممکن نہیں تھا۔پنجاب VCC کی جانب سے اس عزم کا اظہار بھی کیا گیا کہ مستقبل میں علاقے میں کرکٹ کے فروغ کے لیے ایسے شاندار ٹورنامنٹس، لیگ میچز اور کھیلوں کی سرگرمیوں کا سلسلہ جاری رکھا جائے گا تاکہ نوجوان کھلاڑیوں کو اپنی صلاحیتوں کے اظہار کے زیادہ سے زیادہ مواقع فراہم کیے جا سکیں۔
