حسن اور حسین نواز آج احتساب عدالت میں خود کو سرینڈر کریں گے

اسلام آباد(آئی پی ایس)سابق وزیراعظم نواز شریف کے صاحبزادے حسن اور حسین نواز آج احتساب عدالت اسلام آباد کی عدالت میں پیش ہوکرخود کو سرینڈر کریں گے۔

مسلم لیگ ن کے قائد کے دونوں صاحبزادے 12 مارچ کو لندن سے پاکستان پہنچے تھے۔حسن نواز اورحسین نواز اپنے خلاف درج مختلف مقدمات میں ضمانت کیلئے اسلام آباد کی احتساب عدالت میں پیش ہوں گے۔

دونوں کے خلاف العزیزیہ، فلیگ شپ اور ایون فیلڈ ریفرنسز کی سماعت احتساب عدالت کے جج ناصر جاوید رانا کریں گے۔واضح رہے کہ حسن نواز اور حسین نواز کو عدالت میں پیش نہ ہونے پر اشتہاری قرار دیا گیا تھا ۔ تاہم 8 مارچ کو اسلام آباد کی عدالت نے متعلقہ عدالت میں پیشی کے لئے حسن نواز اور حسین نواز کا اشتہاری کا اسٹیٹس ختم کر دیا تھا۔