ایرانی وزارت صحت کے ترجمان نے اعلان کیا کہ تیس اگست کی رات ساڑھے آٹھ بجے سے لیکر دو ستمبر کی رات ساڑھے آٹھ بجے تک دشمن کے حملوں میں ایران کے کل 142 افراد زخمی اور 18 افراد جاں بحق ہوئے۔ ایرانی فوج نے 3 تاریخ کو ایک بیان جاری کرتے ہوئے کہا کہ فوج نے اسی صبح میزائلوں اور ڈرونز کے ذریعے کویت میں واقع امریکی احمد الجابر ایئربیس کو نشانہ بنایا،جس سے بیس کے مواصلاتی نظام اور لڑاکا طیاروں کے ہینگروں کو نقصان پہنچا۔ اس کے علاوہ، ایرانی فوج نے متحدہ عرب امارات میں امریکی المنہاد ایئربیس پر بھی میزائلوں اور ڈرونز سے حملہ کیا، جہاں امریکی فوجی اہلکاروں کی رہائش گاہیں اور ریڈار سسٹم اہداف میں شامل تھے۔ایرانی فوج کا کہنا تھا کہ وہ امریکی حملوں کا جواب دیتے رہیں گے "جب تک حتمی فتح حاصل نہیں ہو جاتی اور حملہ آوروں کو سزا نہیں دی جاتی۔” اسلامی جمہوریہ ایران کی پارلیمنٹ کی قومی سلامتی اور خارجہ پالیسی کمیٹی کے چیئرمین ابراہیم عزیزی نے 3 تاریخ کو کہا کہ آبنائے ہرمز کا "تالا” ایران کی رضامندی کے بغیر نہیں کھولا جائے گا۔
ادھر امریکی نائب صدر جے ڈی وینس نے 3 تایخ کو وائٹ ہاؤس کی ایک پریس کانفرنس میں کہا کہ جب تک آبنائے ہرمز میں بحری جہازوں پر حملے جاری رہیں گے، امریکہ ایران کے ساتھ مذاکرات نہیں کرے گا۔ اسی دن اسرائیلی وزیر دفاع کاٹز نے کہا کہ اگر ایران نے اسرائیل پر حملہ کیا تو اسرائیل توانائی کی تنصیبات سمیت تمام ایرانی انفراسٹرکچر پر حملہ کرے گا۔
