بیجنگ : کوسٹا ریکا کی حکومت کی دعوت پر چینی صدر شی جن پھنگ کے خصوصی ایلچی اور قومی انٹرنیشنل ڈویلپمنٹ کوآپریشن ایجنسی کے ایڈمنسٹریٹر چھن شیاؤ ڈونگ نے دارالحکومت سان ہوزے کے نیشنل اسٹیڈیم میں کوسٹا ریکا کی صدارتی اقتدار منتقلی کی تقریب میں شرکت کی۔ صدر فرنانڈیز نے خصوصی ایلچی چھن شیاؤ ڈونگ کے ساتھ دو طرفہ ملاقات بھی کی۔چھن شیاؤ ڈونگ نے صدر فرنانڈیز کو صدر شی جن پھنگ کے خلوص بھرے سلام اور نیک تمناؤں کا پیغام پہنچایا، اور کہا کہ سفارتی تعلقات کے قیام کے تقریباً 19 برسوں کے دوران چین-کوسٹا ریکا تعلقات نے نمایاں ترقی کی ہے، جس سے دونوں ممالک کے عوام کو حقیقی فوائد حاصل ہوئے ہیں۔ انہوں نے کہا کہ چینی حکومت ہمیشہ سے چین-کوسٹا ریکا تعلقات کو اسٹریٹجک اور طویل مدتی نقطہ نظر سے دیکھتی ہے اور چین دونوں ممالک کے درمیان مسلسل، صحت مند اور مستحکم تعلقات کو مزید فروغ دینے کا خواہاں ہے۔صدر فرنانڈیز نے صدر شی جن پھنگ کی جانب سے اقتدار منتقلی کی تقریب میں خصوصی ایلچی بھیجنے پر شکریہ ادا کیا، اور کہا کہ وہ دونوں ممالک کے درمیان روایتی دوستی کومزید گہرا کرنے اور دو طرفہ تعلقات کو مزید مستحکم کرنے کے خواہاں ہیں۔
