ایرانی ذرائع ابلاغ نے خبر دی ہے کہ ایران، برطانیہ، فرانس اور جرمنی 26 اگست کو سوئٹزرلینڈ کے شہر جنیوا میں ایرانی جوہری مسئلے پر نائب وزیر خارجہ کی سطح کے مذاکرات کا ایک نیا دور منعقد کرنے کا ارادہ رکھتے ہیں۔
مذاکرات میں پابندیوں کے خاتمے اور جوہری امور پر تبادلہ خیال کے علاوہ اقوام متحدہ کی سلامتی کونسل کی قرارداد 2231 اور اس کے مستقبل کی سمت پر بھی تبادلہ خیال کیا جائے گا۔ایران کا کہنا ہے کہ یورپ کو ‘پابندیوں کی تیزی سے بحالی’ کے طریقہ کار پر بات کرنے یا اس پر عمل درآمد کا کوئی حق نہیں ہے اور اگر تینوں ممالک اس طریقہ کار پر عمل درآمد پر اصرار کرتے ہیں تو اس کے سنگین نتائج برآمد ہوں گے۔
واضح رہے کہ مغربی ممالک نے حال ہی میں ایران کو "پابندیوں کی تیزی سے بحالی” کا طریقہ کار شروع کرنے کی دھمکی دیتے ہوئے ایران سے مطالبہ کیا کہ وہ جوہری معاہدے پر عمل درآمد جاری رکھے، جس میں بین الاقوامی جوہری توانائی ایجنسی کے ساتھ مکمل تعاون بحال کرنا اور جوہری ترقی کے پیمانے کو محدود کرنا شامل ہے۔یاد رہے کہ اس سے قبل ایران اور تین یورپی ممالک نے 25 جولائی کو جنیوا میں مذاکرات کا ایک دور منعقد کیا تھا۔
