اسلام آباد (آئی پی ایس ) پاکستان تحریک انصاف کے مرکزی میڈیا سیل کے رکن رضوان احمد اپنے بھائی سمیت لاپتا ہو گئے۔
پی ٹی آئی میڈیا سیل کے انچارج صبغت اللہ ورک نے سوشل میڈیا پر اپنے بیان میں رضوان احمد کے اغوا کا الزام عائد کیا ہے۔ا نہوں نے آج صبح اپنے پیغام میں کہا کہ مرکزی میڈیا ڈیپارٹمنٹ کے سینئر رکن ملک رضوان احمد کو اغوا کاروں نے اغوا کرلیا ہے۔ انہوں نے الزام لگایا کہ رضوان احمد کے چھوٹے بھائی نعمان احمد کو بھی ریاستی اغواکاروں نے اغوا کیا۔
صبغت اللہ ورک کا کہنا تھا کہ رضوان احمد آج پونے گیارہ بجے اقبال ٹاسن، راولپنڈی میں اپنی رہائشگاہ سے دفتر کے لیے نکلے۔ ابھی تک ان کے بارے میں کوئی اطلاع نہیں ہے۔ تاحال کسی نے ان کی گرفتاری ظاہر کی ہے نہ ہی ان پر الزام کی کوئی تفصیلات، نوٹس یا مقدمہ وغیرہ سامنے آئے ہیں۔
، تحریک انصاف کے رہنماوں کا کہنا ہے کہ رضوان احمد اور انکے بھائی کو اداروں نے اٹھایا ہے ، یاد رہے کہ رضوان احمد تقریبا دو دہائیوں سے تحریک انصاف کی میڈیا ٹیم کا حصہ ہیں۔
