پاکستان میں اگلے سال فروری میں تین ملکی کرکٹ ٹورنامنٹ کوحتمی شکل دے دی گئی

دبئی ( اعظم ملک سے )چیئرمین پی سی بی محسن نقوی کی دبئی میں جنوبی افریقہ کرکٹ بورڈ کے چئیرمین لاسن نیڈوو اور نیوزی لینڈ کرکٹ بورڈکے چیئرمین راجر ٹوسےملاقات ہوئی جس میں پاکستان میں اگلے سال فروری میں تین ملکی کرکٹ ٹورنامنٹ کوحتمی شکل دی گئی ۔
ٹرائی سیریز ٹورنامنٹ پاکستان۔ جنوبی افریقہ اور نیوزی لینڈ کھیلیں گے۔
ٹرائی سیریز کرکٹ ٹورنامنٹ کھیلنے جنوبی افریقہ اور نیوزی لینڈ کی کرکٹ ٹیمز جنوری کے آخر میں پاکستان آئیں گی ۔
چئیرمین پی سی بی محسن نقوی نے جنوبی افریقہ اور نیوزی لینڈ کرکٹ بورڈز کے چیئرمینز کو بھی پاکستان کے دورے کی دعوت دی اور محسن نقوی نے کہا کہ ٹرائی سیریز کرکٹ ٹورنامنٹ کا انعقاد پاکستان میں کئی برس بعد ہو رہا ہے اور ٹورنامنٹ کھیلنے پر جنوبی افریقہ اور نیوزی لینڈ کرکٹ بورڈز کے چیئرمینز کا شکریہ ادا کرتے ہیں ۔
پی سی بی کی کاوشوں سے چیمپئنز ٹرافی بھی آئی سی سی کے ایجنڈے میں شامل، چیمپئنز ٹرافی 2025 میں فروری میں پاکستان میں ہو گیدنیا کے پہلے 8 کرکٹ کھیلنے والے ملک چیمپئنز ٹرافی میں حصہ لیں گے۔