اسلام آباد:وزیرِ اعظم شہباز شریف نے عہدے کا حلف اٹھانے کا ایک سال مکمل ہونے پر بیان جاری کر دیا۔
سماجی رابطے کی ویب سائٹ ٹوئٹر پر جاری کیے گئے سلسلہ وار ٹوئٹس میں شہباز شریف نے کہا ہے کہ مجھے مخلوط حکومت کے وزیرِ اعظم کی حیثیت سے حلف اٹھائے آج ایک سال ہو رہا ہے، یہ بڑے چیلنجوں اور مشکلات کا وقت رہا ہے، عمران نیازی حکومت کے خلاف عدم اعتماد کی ووٹنگ بے مثال تھی۔
Today marks the completion of one year since I took oath as PM of a coalition government. This has been a time of massive challenges & difficulties. Here's my perspective on this year: 1/n
— Shehbaz Sharif (@CMShehbaz) April 11, 2023
انہوں نے کہا کہ عدم اعتماد کے ووٹ کی منظوری کے بعد پی ڈی ایم اقتدار میں آئی، تقریبا تمام سیاسی قوتوں نے پارلیمنٹ کے فورم پر غیرمقبول حکومت کو بذریعہ ووٹ باہر نکالا، مشترکہ قومی مقصد کے لیے سیاسی جماعتوں کا اکٹھا ہونا ملک کے سیاسی ارتقا میں اہم پیش رفت کی نمائندگی کرتا ہے۔
Under the watch of the PDM government, Pakistan managed to exit the FATF grey list, thanks to the excellent inter-ministerial coordination as well as support extended by our military leadership. It was a long journey but sustained efforts made it possible. 10/n
— Shehbaz Sharif (@CMShehbaz) April 11, 2023
وزیراعظم کا کہنا ہے کہ تصادم اور انتقام کی بجائے مفاہمت، تعاون 22 اپریل کے بعد کی نئی سیاست کی علامت ہے، عمران خان کی بچھائی گئی اقتصادی بارودی سرنگوں کے باوجود پاکستان کی معیشت بدستور رواں دواں ہے، ڈیفالٹ کی تمام پیشگوئیاں غلط ثابت ہوئیں، معیشت کی بحالی کے لیے مخلصانہ کوششیں جاری ہیں۔
شہباز شریف نے کہا کہ اتحادی حکومت پاکستان کے سفارتی تعلقات کی مرمت اور تعمیر نو کی اسٹیج پر ہے، سفارتی تعلقات اور تعمیر نو کو نیازی حکومت نے شدید دھچکا پہنچایا، ایک سال میں ہم نے ایک پارٹنر کے طور پر پاکستان کی ساکھ قائم کرنے میں بڑی حد تک کامیابی حاصل کی۔
ان کا کہنا ہے کہ پاکستان کو گزشتہ سال بے مثال سیلاب کا سامنا کرنا پڑا، حکومت نے بچاو ریلیف اور بحالی کی کوششیں کیں، لاکھوں لوگوں کو سماجی تحفظ فراہم کیا اور عالمی برادری کو متحرک کیا، حکومتِ پاکستان کی سیلاب کے حوالے سے ریلیف کے کاموں کو دنیا نے شاندار تسلیم کیا، حکومت نے عالمی سطح پر پاکستان کا مقدمہ پیش کرنے کے لیے موسمیاتی ڈپلومیسی کا استعمال کیا۔
انہوں نے کہا کہ جی 77 کے چیئر کے طور پر حکومت پاکستان نے فنڈ کے قیام میں اہم کردار ادا کیا، جنیوا میں 9 ارب امریکی ڈالر کا وعدہ ہماری کامیاب سفارت کاری کا ثبوت ہیں، گزشتہ ایک سال میں توانائی سے حکومت پاکستان نے شہریوں کو ریلیف فراہم کرنے کی کوششیں کیں، شمسی، ہائیڈل، کوئلے استعمال کرنے کا مقصد بجلی پیدا کرنے کے مہنگے منصوبوں کو سستے منصوبوں سے بدلنا ہے۔
