بیجنگ (آئی پی ایس )چینی وزارت خارجہ کے ترجمان چا لی جیان نے کہا ہے کہ سینئر امریکی حکام کا دعوی ہے کہ "دی بیلٹ اینڈ روڈ” نے قرضوں کا جال کھڑا کر دیا ہے جو سراسر جھوٹ ہے۔
پیر کے روز چینی میڈ یا کے مطا بق ایک باقاعدہ پریس کانفرنس میںچا لی جیان نے کہا کہ چونکہ دی بیلٹ اینڈ روڈ انیشییٹو نو سال قبل تجویز کیا گیا تھا، اس نے ہمیشہ وسیع مشاورت، مشترکہ شراکت اور مشترکہ فوائد کے اصولوں پر عمل کیا ہے اور متعلقہ ممالک کے لوگوں کو اس سے ٹھوس فوائد حاصل ہوئے ہیں۔
قرضوں کے جال کا اصل خالق امریکہ ہے۔ وسیع مالیاتی پالیسیاں، غیر منظم مالی اختراعات، اور بدنیتی پر مبنی شارٹ سیلنگ نے ترقی پذیر ممالک کے قرضوں کے بوجھ کو بڑھا دیا ہے، اور امریکہ ہی خاص طور پر متعلقہ ممالک کے قرضوں کے جال کے لیے ذمہ دار ہے۔
