اسلام آباد (آئی پی ایس)قومی اسمبلی میں تحریک عدم اعتماد کی کامیابی کے بعد عمران خان کی وزارت اعظمی کا دور ختم ہوگیا۔
تحریک انصاف کے نے 25 جولائی 2018 کے عام انتخابات میں قومی اسمبلی کی 149 نشستوں پر کامیابی حاصل کی تھی۔عمران خان نے اتحادی جماعتوں مسلم لیگ(ق)، متحدہ قومی موومنٹ اور بلوچستان عوامی پارٹی سمیت دیگر آزاد ارکان کو شامل کرکے حکومت بنائی تھی۔
وزیراعظم عمران خان نے 18 اگست 2018 کو وزارت عظمی عہدے کا حلف اٹھایا تھا اور آج 10 اپریل کو ان کے خلاف قومی اسمبلی میں تحریک عدم اعتماد کامیاب ہوگئی، جس کے بعد ان کی وزارت عظمی کا عہد اپنے اختتام کو پہنچا۔
ہفتہ 18 اگست 2018 کو شروع ہونے والا ان کا 1332 دنوں پر مشتمل عہد وزارت عظمی اتوار 10 اپریل 2022 کو تمام ہوا۔عمران خان کی وزارت عظمی کا دور 3 سال 7 ماہ اور 24 دن پر مشتمل رہا ، جو مہینوں میں 43 ماہ اور 24 دن بنتا ہے۔
