اسلام آباد(آئی پی ایس)جے یو آئی ف نے اسلام آباد میں سرینگرہائی وے کے ساتھ علاقے ایچ نائن میں میدان سجا لیا۔جلسہ گاہ میں پارٹی پرچموں کی بہار ہے ۔ خیمے نصب کر دیئے گئے ہیں ۔ منتظمین کا کہنا ہے کہ انہیں قیادت کی جانب سے جلسہ گاہ میں تین دن پڑا کا حکم دیا گیا ہے ۔متحدہ اپوزیشن کا اٹھائیس مارچ کو بڑا جلسہ ہو گا جس میں ن لیگ اور پیپلز پارٹی کی قیادت اور کارکن بھی شریک ہوں گے ۔مولانا فضل الرحمان نے اسلام آباد میں جلسے سے خطاب کرتے ہوئے کہاکہ حکومت کو صرف ایک دھکے کی ضرورت ہے، ہم موجودہ حکومت کو غیر آئینی، غیر قانونی اور ناجائز کہتے ہیں۔ان کا کہنا ہے کہ حکومت کو مزید ایک لمحے کی گنجائش نہیں دے سکتے۔ان کے سارے سہارے ٹوٹ چکے ہیں، ان کا کندھا اب خالی ہو چکا ۔اب صرف استعفے کا راستہ ہے، گھر جا ورنہ گھر بھجوائے جا گے۔
ڈپٹی کمشنر اسلام آباد حمزہ شفقات نے جے یو آئی کے جلسہ گاہ کا دورہ کیا ۔۔ڈپٹی کمشنر اسلام آباد کا کہنا ہے کہ جے یو آئی ف کی جانب سے خلاف ورزی کی گئی۔سری نگر ہائی وے خالی کرنے کے لیے جے یوآئی ف انتظامیہ سے تعاون کررہی ہے۔ جے یو آئی ف کو شو کاز نوٹس جاری کررہے ہیں ۔، دوبارہ خلاف ورزی کی تو ایف آئی آر درج کروائی جائے گی۔ آج تحریک انصاف اسلام آباد میں جلسہ کرے گی،
جے یو آئی ف کو کہا ہے کہ آج جلسہ نا کریں۔سرینگر ہائی وے پر ممکنہ دھرنے سے متعلق اسلام آباد ہائیکورٹ نے حکم نامہ جاری کردیا ہے۔ چیف جسٹس اطہر من اللہ نے حکم دیا ہے کہ انتظامیہ این او سی کی خلاف ورزی کرنے والوں کیساتھ سختی سے نمٹے۔حکم نامے میں کہا گیا ہے کہ خلاف ورزی کرنے والوں کے خلاف کاروائی کی جائے۔ سیاسی جماعتیں اور رہنما قانون پر عمل کرنے کے پابند ہیں۔ چیف جسٹس اطہر من اللہ نے اسلام آباد انتظامیہ کی درخواست پر حکم جاری کیا ہے۔
