ممبئی(آئی پی ایس)بالی ووڈ کے سپراسٹار سلمان خان اور سوناکشی سنہا کی شادی کی ایک اورمبینہ تصویر وائرل ہوگئی۔میڈیا رپورٹس کے مطابق ایک بار پھر دبنگ سلمان خان اور سوناکشی سنہا کی شادی کی تصویر سوشل میڈیا پر وائرل ہورہی ہے جس میں دونوں دلہا دلہن بنے ہوئے نظر آرہے ہیں۔درحقیقت یہ تصویر اداکار ورون دھون اور نتاشا دلال کی شادی کی ہے اور ایک بار پھر کسی نے شرارت کرتے ہوئے ان دونوں کے چہروں کی جگہ سلمان خان اور سوناکشی سنہا کا چہرہ لگادیا ہے۔
بالی ووڈ کی دبنگ کوئین سوناکشی سنہا نے سلمان خان سے شادی کی خبروں پر خاموشی توڑ دی ۔گزشتہ دنوں بالی ووڈ کے دبنگ خان اور سوناکشی سنہا کی ایک تصویر سوشل میڈیا پر خوب وائرل ہوئی، جس میں سلمان خان سوناکشی کو انگوٹھی پہنا رہے ہیں، جبکہ دونوں دولہا دلہن کے لباس میں دکھائی دے رہے ہیں۔تصویر میں سوناکشی کو سرخ رنگ کی ساڑھی میں ملبوس دکھایا گیا، جبکہ سلمان خان ایک آف وائٹ شیروانی میں نظر آرہے ہیں۔تصویر سے متعلق بھارتی سوشل میڈیا صارفین دعوی کر رہے تھے کہ سلمان نے سوناکشی سے خفیہ شادی کر رکھی ہے۔
جب معاملہ ہاتھ سے نکلتا دکھائی دیا تو بھارتی میڈیا نے واضح کیا کہ تصویر جعلی ہے اور اسے ایڈٹ کیا گیا ہے، جبکہ شادی کی تمام خبریں بے بنیاد ہیں۔شادی کی خبروں کے حوالے سے سلمان خان تو تاحال خاموش ہیں لیکن سوناکشی نے بھارتی میڈیا کے سوشل میڈیا اکانٹ کی خبر پر کمنٹ کرتے ہوئے کہا کہ کیا آپ لوگ اتنے بے وقوف ہیں کہ اصل اور ایڈٹ شدہ تصویر میں فرق نہیں بتاسکتے؟سوناکشی کے کمنٹ کو لائک کرنے والوں کی تعداد ہزاروں میں تھی، ساتھ ہی صارفین نے جھوٹی خبریں پھیلانے والوں کو شدید تنقید کا نشانہ بھی بنایا۔
