اسلام آباد (قیصر ستی ) فیئر ڈیل کرکٹ ٹیم نے فیئر ڈیل سپرلیگ ٹی ٹوئنٹی کرکٹ ٹورنامنٹ کے کوارٹر فائنل میں جگہ حاصل کرلی فیئر ڈیل نے اریس کو 76رنز سے شکست دیکر اگلے راؤنڈ کیلئے کوالیفائی کیا پہلے بیٹنگ کرتے ہوئے فیئر ڈیل نے مقررہ 20 اوورز میں 6 وکٹوں کے نقصان پر 170رنز بنائے مطیع اللہ نے 70اور حسین نے 31رنز کی اننگز کھیلی جبکہ عبدالرحمٰن 22رنز بنا کر ناٹ آؤٹ رہے اریس کی جانب سے عمر نے 2 کھلاڑی آئوٹ کیے جواب میں اریس کی ٹیم 94رنز پر آئوٹ ہوگئی ذوالقرنین 27رنز بنا کر نمایاں بلے باز رہے فیئر ڈیل کی طرف سے عدنان عباسی نے 3فہیم اقبال نے 2 اور فیصل ستی نے ایک کھلاڑی آئوٹ کیا فیئر ڈیل کے مطیع اللہ کو مین آف دی میچ کا ایوارڈ دیا گیا۔
