لاہور ،پنجاب پولیس میں اکھاڑ پچھاڑ کا سلسلہ جاری ، مزید تین پولیس افسران کے تبادلے کر دیئے گئے ۔
نوٹیفکیشن کے مطابق سی پی او راولپنڈی اطہر اسماعیل کو عہدے سے ہٹا دیا گیا ہے ، انہیں سنٹرل پولیس آفس پنجاب رپورٹ کرنے کی ہدایت کی گئی ہے ۔ ڈی آئی جی آپریشنز پنجاب ساجد کیانی کا تبادلہ کرتے ہوئے انہیں سی پی او راولپنڈی تعینات کردیا گیا ہے ، عبدالغفار قیصرانی کو ترقی دے کر ڈی آئی جی ویلفیئر تعینات کردیا گیا ہے ، عبدالغفار قیصرانی کو ڈی آئی جی آپریشنز پنجاب کا اضافی چارج بھی دے دیا گیا ہے ۔
