پاکستان میں کورونا کیسز کی شرح ایک فیصد سے کم پر برقرار ہے ، ایک دن میں مزید 10 اموات ہوئیں جبکہ270 کیسز سامنے آئے۔نیشنل کمانڈ اینڈ آپریشن سینٹر (این سی او سی )نے ملک میں کورونا وبا کی صورتحال کے تازہ اعدادو شمار جاری کردیے جس کے مطابق ملک میں 24 گھنٹے میں کورونا کے مزید 10 مریض انتقال کرگئے ، جس کے بعد کورونا وائرس سے مجموعی اموات کی تعداد 28ہزار628 ہوگئیں۔این سی اوسی کے مطابق ملک میں 24 گھنٹوں کے دوران 32 ہزار6 کورونا ٹیسٹ کیے گئے، جس میں سے 270 افراد میں کورونا کی تصدیق ہوئی، اس دوران کورونا ٹیسٹ مثبت نکلنے کی شرح 0.82 فیصد رہی۔نیشنل کمانڈاینڈ آپریشن سینٹر کے مطابق ملک بھر میں کورونا سے متاثرہ ایک ہزار 85 زیرعلاج مریضوں کی حالت تشویشناک ہیں جبکہ ملک بھر میں کورونا سے متاثر ہونے والوں کی مجموعی تعداد 12 لاکھ 80 ہزار 362 تک پہنچ گئی ہے۔اعدادو شمار کے مطابق سندھ میں کورونا کیسز کی تعداد چار لاکھ 73ہزار 293 ، پنجاب میں 4 لاکھ 42 ہزار068 ، خیبرپختونخوا میں ایک لاکھ 79 ہزار 276 اور بلوچستان میں 33 ہزار 422 ہے جبکہ اسلام آباد میں ایک لاکھ 7 ہزار 383، گلگت بلتستان میں 10 ہزار403 اور آزاد کشمیر میں 34 ہزار 517 کیسز سامنے آچکے ہیں۔
