اسلام آباد (آئی پی ایس ) وزیراعظم عمران خان نے اوگرا کی پیٹرولیم مصنوعات میں 5 روپے اضافے کی سمری مسترد کرتے ہوئے پیٹرولیم مصنوعات کی قیمتوں میں اضافہ کرنے سے انکار کردیا ۔ اوگرا کی جانب سے پیٹرول اور ڈیزل کی قیمتوں میں 5 روپے اضافہ کرنے کی تجویزدی گئی تھے جسے وزیراعظم نے مسترد کرتے ہوئے قیمتیں بڑھانے سے انکار کردیا ۔وزیراعظم کے قیمتیں نہ بڑھانے کے فیصلے کے بعد جس کے بعد آئندہ 15 روز کے لیے پیٹرولیم مصنوعات کی قیمتیں برقرار رہیں گی۔ واضح رہے کہ حکومت کی جانب سے ہرماہ کی 14 اور آخری تاریخ کو پیٹرولیم مصنوعات کی قیمتوں میں ردوبدل سے متعلق سمری وزیراعظم آفس بھیجی جاتی ہے تاہم حتمی فیصلہ وزیراعظم عمران خان کی جانب سے کیا جاتاہے۔
