گوگل میپ تین نئے فیچر متعارف کرانے جا رہا ہے

کیلیفورنیا (آئی پی ایس)گوگل میپ دنیا میں راستے تلاش کرنے کیلئےسب سے زیادہ مقبول سروس ہے۔ صارفین کیلئےاس سروس کی افادیت کو مزید بڑھانے اور کارگر بنانے کے لیے کمپنی تین فیچرزاہم فیچر کا اضافہ کرنے جارہی ہے۔

گوگل کی جانب سے مستقبل میں متعارف کرائے جانے والے فیچرز میں پہلا فیچر گلینس ایبل ڈائریکشنز کا ہے۔ یہ فیچر اس سروس کے استعمال میں سبب سے بڑی تبدیلی قرار دی جارہی ہے۔عام طور پر صارفین لائیو اپ ڈیٹ کیلئےمیپ میں لوکیشن ڈال کر سفر شروع کرتے ہیں اور سفر کیساتھ ساتھ میپ ان کو یہ بتاتا جاتا ہے کہ کس موڑ پر مُڑنا ہے یا کونسا راستہ اختیار کرنا ہے۔ اس فیچر کے بعد یہ سب معلومات بطور پری ویو دیکھی جا سکیں گی۔

اگر صارف کسی بتائے گئے رستے سے ہٹ کر چلنے لگے تو نقشے کی جانب سے دوسرا رستہ تجویز کردیا جائے گا۔اس فیچر کیساتھ فون کا لاک کھولے بغیر بھی اپ دیٹ دیکھی جاسکیں گی۔اس فیچر کے علاوہ گوگل ڈیسک ٹاپ کیلئے ’ری سینٹس‘ نام کا فیچر بھی متعارف کرائے گا۔ یہ فیچر میپ پر تلاش کی گئی جگہوں کو خود بخود ایک جگہ اکٹھا کر دے گا۔

اس کے اندر ٹولز کی مدد سے صارف اپنی منزلوں کیلئے مرضی کا راستہ بنا سکیں گے اور جگہوں کا انتخاب دوسروں کیساتھ شیئر کر سکیں گے۔متعارف کرایا جانے والا تیسرا اور آخری فیچر اِیمرسِیو ویو کا ہوگا۔ آئی او ایس اور اینڈرائیڈ میپ کے لیے گوگل کی مصنوعی ذہانت سے چلنے والا یہ فیچر تصاویر کو ملا کر دنیا کا ہمہ پہلو نظارہ تشکیل دے گا۔ ایمرسیو ویو کے فیچر میں چار شہر (ایمسٹرڈیم، ڈبلِن فلورینس اور وینِس) اور 500 مشہور مقامات (سِڈنی ہاربر برج یا پراگ کا قلعہ) شامل کئےگئے ہیں۔