اسلام آباد(آئی پی ایس)پی ٹی آئی کے رہنما، سابق وفاقی وزیر اسد عمر نے کہا ہے کہ عمران خان کے ساتھ اگر کوئی ناخوشگوار واقعہ پیش آیا تو اس کی ذمے دار حکومت ہوگی۔
سماجی رابطے کی ویب سائٹ ٹوئٹر پر اپنے جای کردہ ٹوئٹ پیغام میں پی ٹی آئی رہنما اسد عمر نے لکھا کہ وزارت داخلہ کا کہنا ہے کہ عمران خان کے تحفظ کے لیے اضافے کی ضرورت ہے لیکن سابق وزیر اعظم کو تحفظ فراہم کرنے کے لیے کوئی قدم نہیں اٹھایا۔
جاری کردہ ٹوئٹ میں اسد عمر لکھتے ہیں کہ اب وزیر داخلہ عمران خان کے خلاف اشتعال انگیز بیان جاری کر رہے ہیں۔انہوں نے مزید لکھا کہ اگر کوئی ناخوشگوار واقعہ پیش آیا تو اس کی مکمل ذمہ دار حکومت ہوگی اور قوم معاف نہیں کرے گی۔
