بیجنگ:چین کی وزارتِ تجارت کے ترجمان نے 14 یورپی یونین اداروں کو برآمدی کنٹرول کی فہرست میں شامل کیے جانے کے فیصلے سے متعلق صحافیوں کے سوالات کے جواب میں وضاحت پیش کی۔انہوں نے کہا کہ بیجنگ وقت کے مطابق 23 جولائی کی شام یورپی یونین نے روس کے خلاف پابندیوں کے اکیسویں پیکج کا باضابطہ اعلان کیا، جس کے تحت چائنیز مین لینڈ اور ہانگ کانگ سے تعلق رکھنے والے 14 اداروں کو پابندیوں کی فہرست میں شامل کیا گیا۔ قومی سلامتی اور مفادات کے تحفظ، نیز عدم پھیلاؤ سے متعلق بین الاقوامی ذمہ داریوں کی انجام دہی کے لیے، یورپی یونین کے اس نامناسب اقدام کے جواب میں، "عوامی جمہوریہ چین کے برآمدی کنٹرول قانون” اور "دوہرے استعمال کی اشیا کے برآمدی کنٹرول سے متعلق ضوابط” سمیت متعلقہ قوانین اور قواعد و ضوابط کے مطابق، چین نے لافرٹ گروپ سمیت یورپی یونین کے 14 اداروں کو برآمدی کنٹرول کی فہرست میں شامل کرنے کا فیصلہ کیا ہے۔اس فیصلے کے تحت برآمد کنندگان کو مذکورہ اداروں کو دوہرے استعمال کی اشیا برآمد کرنے کی اجازت نہیں ہوگی، جبکہ بیرونِ ملک موجود تنظیموں اور افراد کو بھی عوامی جمہوریہ چین میں تیار کردہ دوہرے استعمال کی اشیا ان اداروں کو منتقل کرنے یا فراہم کرنے سے منع کیا گیا ہے۔
