نیویارک:(آئی پی ایس) امریکا اور ایران کے درمیان حالیہ معاہدے کے عالمی معیشت پر مثبت اثرات سامنے آنا شروع ہوگئے، عالمی منڈی میں خام تیل کی قیمت 4 ماہ کی کم ترین سطح پر آ گئی۔
عالمی مارکیٹ میں خام تیل کی قیمتوں میں تقریباً 5 فیصد کمی ریکارڈ کی گئی ہے۔
بین الاقوامی منڈی میں امریکی خام تیل ڈبلیو ٹی آئی کی قیمت کم ہو کر 69 اعشاریہ 28 ڈالرفی بیرل پر آ گئی ہے، جبکہ برطانوی خام تیل برینٹ بھی سستا ہو کر 72 اعشاریہ 50 ڈالرفی بیرل میں فروخت ہو رہا ہے۔
خام تیل کی قیمتوں میں کمی سے دنیا بھر میں ٹرانسپورٹ، صنعت اور توانائی کے شعبوں کو ریلیف ملنے کی توقع ہے۔
