لاہور(آئی پی ایس)نگران وزیراعلیٰ پنجاب محسن نقوی نے لاہور جاتی امرا میں مریم نواز سے ملاقات کر کے انہیں وزیراعلیٰ کے عہدے پر نامزدگی پر مبارکباد دی ہے۔
اس موقع پر محسن نقوی نے کہا کہ ملکی تاریخ کی پہلی خاتون وزیراعلیٰ ایک روشن مثال ہے، یقین ہے مریم نواز پنجاب میں عوامی خدمت کی نئی تاریخ رقم کریں گی۔
محسن نقوی نے کہا کہ پنجاب اور عوام کی بھلائی کے مشن میں میری معاونت آپ کو حاصل رہے گی۔
مریم نواز نے محسن نقوی کی نگراں وزیراعلیٰ کے طور پر عوامی خدمات کو سراہا۔
محسن نقوی نے پنجاب میں ترقیاتی کاموں کے حوالے سے مریم نواز کو بریف بھی کیا۔
مریم نواز کا کہنا تھا کہ آپ کے شروع کردہ عوامی مفاد کے منصوبوں کو آگے بڑھائیں گے۔
