فواد چودھری کی مالی فراڈ سے متعلق کیس میں ضمانت منظور

اسلام آباد(آئی پی ایس) ڈسٹرکٹ اینڈ سیشن کورٹس اسلام آباد نے سابق وفاقی وزیر فواد چودھری کی ضمانت بعد از گرفتاری منظور کر لی۔
تفصیلات کے مطابق سول عدالت کے جج ڈاکٹر سہیل نے مالی فراڈ کے کیس میں فواد چودھری کی درخواست ضمانت پر محفوظ فیصلہ سنایا۔
عدالت نے فواد چودھری کی ضمانت 1 لاکھ روپے مچلکوں کے عوض منظور کی۔
واضح رہے کہ پی ٹی آئی کے دور حکومت میں فواد چودھری وفاقی وزیر رہے ہیں، سابق وزیر پر شہری سے 50 لاکھ روپے لے کر نوکری نہ دینے کا الزام ہے۔