اقوامِ متحدہ کی جانب سے کہا گیا ہے کہ غزہ میں بے گھر افراد کی تعداد 2 لاکھ 60 ہزار سے زائد ہو گئی ہے۔
غیر ملکی میڈیا کے مطابقاقوام متحدہ کا کہنا ہے کہ اسرائیلی فوج کی جانب سے فلسطینی علاقوں پر جاری بمباری کی وجہ سے غزہ میں دو لاکھ 60 ہزار سے زائد افراد اپنے گھروں سے بے گھر ہو چکے ہیں، اسرائیل اور فلسطین کے درمیان کشیدگی سے متعلق اقوام متحدہ کا کہنا ہے کہ غزہ پر اسرائیل کی ہوائی، زمینی اور سمندری بمباری جاری ہے۔
اقوام متحدہ کی جانب سے غزہ میں مجبوراً گھر بار چھوڑنے والے افراد کی تعداد میں اضافے کا خدشہ ظاہر کیا گیا ہے۔
علاوہ ازیں غزہ پر اسرائیل نے پانچویں روز بھی حملے جاری رکھے ہوئے ہیں۔
اسرائیلی فوج کے مطابق طیاروں نے گزشتہ رات غزہ میں 200 مقامات کو نشانہ بنایا۔
دوسری جانب فلسطینیوں پر بمباری کے لیے امریکی اسلحے سے بھرا طیارہ بھی اسرائیل پہنچ گیا ہے۔
یاد رہے کہ اسرائیلی فضائیہ نے 24 گھنٹوں میں غزہ میں 450 اہداف کو نشانہ بنایا ہے۔ جبکہ طوفان الاقصیٰ آپریشن کے پانچویں روز اسرائیل میں ہلاکتوں کی تعداد 1200 جبکہ فلسطین میں 900 سے زیادہ ہو گئی ہے۔
