اسلام آباد (آئی پی ایس )مسائل میں گھری قومی ایئرلائن کیلئے اچھی خبر،ایف بی آر اور پی آئی اے کے درمیان ڈرائی لیز جہاز آپریشنل کرنے کا تنازعہ طے پا گیا،پی آئی اے کی 12 قسطوں میں ٹیکس ادائیگی کی یقین دہانی کے بعد جہاز کو آپریشنل کر دیا گیا۔
ایف بی آر سے کلیئرنس ملنے کے بعدسی اے اے سے جہاز کا سرٹیفیکیٹ اپلائی کر دیا گیا،ایئر وردی کے سرٹیفیکیٹ ملنے کے بعد جہاز جمعہ کو اسلام آباد سکردو پرواز میں استعمال کیا جائے گا،پی آئی اے نے اے 320جہاز چھے سالہ ڈرائی لیز پر حاصل کر رکھا ہے ،جہاز گزشتہ ماہ سے پی آئی اے اور ایف بی آر تنازعہ کے باعث آپریشنل نہیں ہو سکا تھا ،پی آئی اے تنازعہ کے حل کے چار کروڑ ماہانہ کی بنیاد پر بارہ اقساط ایف بی آر کو ادا کرے گا۔
