چین کے قومی ادارہ برائے شماریات کے ترجمان، فو لنگ ھوئی نے ایک پریس کانفرنس میں ان وجوہات پر روشنی ڈالی جن سے اپریل میں بڑے اقتصادی اشاریے گرے ہیں۔ پیر کے روز چینی میڈ یا کے مطا بق ترجمان نے کہا کہ وبا کے اثرات نے اپریل میں معاشی آپریشن پر بھی کچھ منفی اثرات مرتب کیے تھے۔ اپریل میں، صنعتی اضافی قدر کی شرح نمو پچھلے سال کی اسی مدت کے مقابلے میں2.9% گر گئی، جبکہ سروس انڈسٹری پروڈکشن انڈیکس 6.1% گر گیا ۔ عام طور پر، یہ قلیل مدتی تبدیلیاں ہیں جو وبا کے اثرات سے لائی گئی ہیں، اور یہ سب مرحلہ وار اور بیرونی ہیں۔ چین کے اقتصادی استحکام اور طویل مدتی بہتری کے بنیادی رجحان تبدیل نہیں ہوئے ہیں۔ اقتصادی اور سماجی ترقی کے لیے مختلف پالیسیوں اور اقدامات کی مدد سے چین کی معیشت وبا کے اثرات پر قابو پا سکتی ہے، بتدریج مستحکم اور بحال ہو سکتی ہے اور صحت مند ترقی کو برقرار رکھ سکتی ہے۔
