اسلام آباد(آئی پی ایس)پاکستان کے سابق وزیر اعظم اور تحریک انصاف کے چیئرمین عمران خان نے کہا ہے کہ قوم حقیقی آزادی مارچ کیلئے تیار ہورہی ہے۔
سماجی رابطے کی ویب سائٹ ٹوئٹر پر اپنے جاری کرددہ ٹوئٹ پیغام میں پاکستان تحریک انصاف کے چیئرمین عمران خان نے لکھا کہ اٹک کے عوام خصوصا خواتین اور گھرانوں کی بڑی تعداد میں شرکت کیساتھ اسے ایک اور ریکارڈ جلسہ بنانے والے تمام لوگوں کا شکریہ ادا کرتا ہوں۔جاری کردہ ٹوئٹ میں عمران خان لکھتے ہیں کہ یہ جلسہ گاہ اتنے بڑے جمِ غفیرکیلئے نہایت تنگ تھی۔انہوں نے مزید لکھا کہ قوم اسلام آباد کے حقیقی آزادی مارچ کیلئے تیار ہورہی ہے۔
