اسلام آباد،سانحہ مری میں اہلخانہ کے ساتھ جاں بحق ہونے والے اسلام آباد پولیس کے اہلکار نوید اقبال کی اپنے کزن سے آخری ٹیلی فونک گفتگو سامنے آ گئی ۔
آڈیو کال میں اے ایس آئی نوید اقبال نے کہا کہ کلڈانہ روڈ پر ٹریفک میں پھنسا ہوا ہوں ،بچے ساتھ ہیں ، کھانے پینے کو بھی کچھ نہیں ، انتظامیہ کہیں نظر نہیں آ رہی ، صبح سے برف ہٹانے والی گاڑیاں نہیں آئیں ،گاڑیاں 24 گھنٹے سے پھنسی ہوئی ہیں لیکن انتظامیہ کوئی دھیان نہیں دے رہی ۔
