دبئی ،ٹی 20ورلڈ کپ میں نیوزی لینڈ نے بھارت کو8وکٹوں سے شرمناک شکست دے دی ہے۔دبئی انٹرنیشنل کرکٹ سٹیڈیم میں میگا ایونٹ کے میچ میں بھارت نے کیویز کے خلاف ٹاس ہار کر پہلے بیٹنگ کی۔
سورمائو ں کی جانب سے پہلے بیٹنگ کرتے ہوئے مقررہ20اوورز میں 7وکٹوں کے نقصان پر 110رنز بنائے،رویندرا جدیجا نے سب سے زیادہ 26رنز بنائے جبکہ ہاردیک پانڈیا 23سکور بناکر دوسرے نمایاںبلے باز رہے،کیویز کی جانب سے ٹرینٹ بولٹ نے 3 اور ایش سوڈھی نے 2کھلاڑیوں کو پویلین کی راہ دکھائی۔111رنز کا ہدف نیوزی لینڈ کی کرکٹ ٹیم نے شاندار کارکردگی کا مظاہرہ کرتے ہوئے یکطرفہ مقابلہ بناتے ہوئے صرف 2وکٹ کے نقصان پر14اعشاریہ 3اوورز میں حاصل کرلیا،کیویز کی جانب سے پہلے آئوٹ ہونے والے بلے باز مارٹن گپٹل تھے جو کہ 20رنز بناکر بمراہ کی گیند پر شردل ٹھاکر کو کیچ دے بیٹھے،ڈیرل مچل دوسرے آئوٹ ہونے والے بلے باز تھے جو 49رنزبناسکے،کپتان کین ولیمسن 33سکور بنا کر ناقابل شکست رہے۔
