اقوام متحدہ کی 81ویں جنرل اسمبلی نے”کیوبا کے خلاف امریکی اقتصادی، تجارتی اور مالیاتی ناکہ بندی ختم کرنے کی ضرورت ہے ” کے عنوان سے قرارداد منظور کر لی۔ قرارداد کے حق میں 130 اور مخالفت میں 17 ووٹ ڈالے گئے جبکہ 25 ارکان نے ووٹنگ میں حصہ نہیں لیا۔
امریکہ، اسرائیل، ارجنٹینا اور یوکرین سمیت متعدد ممالک نے قرارداد کے خلاف ووٹ دیا۔
اطلاعات کے مطابق یہ مسلسل 34واں موقع ہے جب اقوام متحدہ کی جنرل اسمبلی نے ایسی قرارداد منظور کرتے ہوئے امریکہ سے کیوبا کے خلاف 60 سال سے زائد عرصے سے جاری اقتصادی، تجارتی اور مالیاتی ناکہ بندی ختم کرنے کا مطالبہ کیا ہے۔ 1959 کے کیوبا انقلاب کے بعد امریکی حکومت نے کیوبا کے خلاف معاندانہ پالیسی اختیار کی۔ 1961 میں دونوں ممالک کے درمیان سفارتی تعلقات منقطع ہو گئے۔ 1962 میں امریکہ نے کیوبا کے خلاف اقتصادی، تجارتی اور مالیاتی ناکہ بندی شروع کی، جو آج تک جاری ہے۔
