بنکاک:آئی ایم ایف اور ورلڈ بینک گروپ کے 2026 کے سالانہ اجلاس کا آغاز تھائی لینڈ کے دارالحکومت بنکاک میں ہوا۔یہ اجلاس 12 سے 18 اکتوبر تک جاری رہے گا، جس میں آئی ایم ایف اور ورلڈ بینک گروپ کے نمائندے عالمی اقتصادی پالیسیوں میں ہم آہنگی اور بین الاقوامی ترقیاتی تعاون سمیت مختلف امور پر تبادلہ خیال کریں گے۔ اجلاس کے دوران "عالمی اقتصادی منظرنامے کی رپورٹ” اور "عالمی مالیاتی استحکام کی رپورٹ” سمیت متعدد رپورٹس بھی جاری کی جائیں گی۔ توقع ہے کہ 191 ممالک اور خطوں سے 15 ہزار سے زائد نمائندے اجلاس میں شرکت کریں گے۔
اجلاس میں کل رکنی اور وزارتی سطح کے اجلاسوں سمیت مختلف سرگرمیوں کے ذریعے عالمی معیشت، مالیاتی منڈیوں، ترقیاتی منصوبوں کے لیے مالی وسائل اور نئی ٹیکنالوجیز سے پیدا ہونے والے مواقع و چیلنجز پر تبادلۂ خیال کیا جائے گا۔ اے آئی اور روزگار کے باہمی تعلق، نیز سرمایہ کاری اور ترقی کے فروغ کے لیے نجی سرمائے کو متحرک کرنے جیسے موضوعات بھی اجلاس کے اہم ایجنڈے میں شامل ہیں۔
