ڈونگ فنگ لینڈنگ سائٹ پر کامیاب لینڈنگ
جہاز نے مجموعی طور پر 270 دن مدار میں گزارے
بیجنگ () چین کے شینزو۔20 خلائی جہاز کا پیر کی صبح 9 بج کر 34 منٹ پر واپسی کیپسول اندرونی منگولیا میں واقع ڈونگ فنگ لینڈنگ سائٹ پر بحفاظت اور کامیابی کے ساتھ اتر گیا۔
شینزو۔20 خلائی جہاز 24 اپریل 2025 کو خلا میں روانہ ہوا تھا اور بعد ازاں چینی خلائی اسٹیشن کے ساتھ کامیابی سے منسلک ہو گیا تھا۔ نومبر 2025 کے اوائل میں خلائی جہاز کو ممکنہ طور پر خلائی ملبے یا نہایت باریک ذرات کے ٹکرانے کے شبہے کے باعث طے شدہ وقت پر واپس نہیں لایا گیا، جس کے بعد اسے مدار میں ہی رکھ کر متعلقہ سائنسی اور تکنیکی تجربات جاری رکھے گئے۔
اتوار کی رات 12 بج کر 23 منٹ پر شینزو۔20 خلائی جہاز خلائی اسٹیشن سے علیحدہ ہوا اور بغیر کسی عملے کے خودکار نظام کے تحت زمین کی جانب واپسی کا سفر مکمل کیا۔ اس خلائی مشن کے دوران جہاز نے مجموعی طور پر 270 دن مدار میں گزارے جس سے خلائی جہاز کے نو ماہ تک مدار میں رہنے اور طویل مدتی قیام کی صلاحیت کی کامیاب تصدیق ہو گئی ۔
