ابوظہبی: عجمان ٹائٹنز کے کپتان معین علی نے ابوظہبی ٹی10 کے ایلیمینیٹر مقابلے سے پہلے کہا ہے کہ فائنل فائنل ہوتا ہے، ہم کسی کا بھی مقابلہ کریں گے۔معین علی نے کہا کہ ٹیم نے پورے ٹورنامنٹ میں بہترین کرکٹ پیش کی ہے
اور گزشتہ میچ میں یو اے ای بلز کے خلاف بھی شاندار کارکردگی دکھائی، اگرچہ بلز نے تین وکٹوں سے فتح حاصل کر کے پلے آف میں جگہ پکی کر لی۔انگلینڈ کے آل راؤنڈر معین علی نے ٹورنامنٹ میں 197 رنز 262.66 کی دھواں دار اسٹرائیک ریٹ سے بنائے اور 17 چھکوں کے ساتھ چھکوں کی فہرست میں ٹاپ پر مشترکہ رہنما رہے۔معین علی نے کہا کہ ٹورنامنٹ میں کبھی ہارنا بھی فائدہ مند ہو سکتا ہے، ہر میچ جیتنا ضروری نہیں۔انہوں نے ابوظہبی میں ٹی10 کرکٹ کے تجربے کو بہترین قرار دیا اور کہا کہ اس سال کے وکٹ سب سے بہتر ہیں جب ممکنہ حریفوں کے بارے میں پوچھا گیا تو معین علی کا کہنا تھا کہ فائنل میں ہم کسی کا بھی مقابلہ کریں گے۔ فائنل تو فائنل ہوتا ہے۔”ایلیمینیٹر میں جیتنے والی ٹیم کو فائنل میں جگہ بنانے کے لیے ایک اور کامیابی درکار ہوگی۔
