آگ کے نتیجے میں 128 افراد ہلاک اور 79 زخمی ہو ئے
بیجنگ () ہانگ کانگ خصوصی انتظامی علاقے کی حکومت نے ایک پریس کانفرنس میں بتایا کہ ہانگ کانگ میں رہائیشی کمپلکس میں لگنے والی آگ کے نتیجے میں 128 افراد ہلاک اور 79 زخمی ہو ئے ہیں۔ آگ بجھانے اور سرچ اینڈ ریسکیو کی کارروائیاں مکمل ہو چکی ہیں۔ جمعہ کے روز چینی میڈیا کے مطابق آگ ایک ملٹی بلڈنگ کمپلیکس میں نچلی منزل کے اپارٹمنٹ میں لگی اور کھڑکیوں پر موجود فوم کی موصلیت کی وجہ سے آگ کے شعلے تیزی سے پھیلے ۔ پریس کانفرنس میں بتایا گیا کہ ہانگ کانگ ایس اے آر حکومت جاں بحق ہونے والے ہر متاثرہ خاندان کو دو لاکھ اور ہر متاثرہ گھرانے کو
پچاس ہزار ہانگ کانگ ڈالر کی مدد فراہم کرے گی۔
اس افسوس ناک واقعے کے بعد ، چین کی مرکزی حکومت کے دفتر برائے ہانگ کانگ اور مکاؤ امور نے ہانگ کانگ میں آگ پر قابو پانے کی کوششوں میں امداد فراہم کرنے کے لیے صوبہ گوانگ ڈونگ سے رابطہ کیا۔ ہانگ کانگ ایس اے آر حکومت کی درخواست پر، متعلقہ امدادی آلات، طبی سامان اور دیگر استعمال کی اشیاء بالترتیب 27 نومبر کی شام اور 28 نومبر کی صبح ہانگ کانگ پہنچا ئی گئیں۔تاحال، آل چائنا فیڈریشن آف ٹریڈ یونینز اور آل چائنا ویمنز فیڈریشن نے بالترتیب 8 ملین اور 5 ملین یوآن کے خصوصی فنڈز ہانگ کانگ میں ہنگامی امداد، عبوری آبادکاری، اور آفات کے بعد بحالی کے لیے عطیہ کیے ہیں۔ مکاؤ خصوصی انتظامی علاقے کی حکومت نے بھی مکاؤ فاؤنڈیشن کے ذریعے 30 ملین ہانگ کانگ ڈالر ہانگ کانگ کو عطیہ کئے ہیں۔
