روسی وزارت دفاع نے گزشتہ روز اعلان کیا کہ گزشتہ 24 گھنٹوں کے دوران روسی فوج نے یوکرینی فوجی صنعت کو حمایت فراہم کرنے والے توانائی کے مراکز، بغیر پائلٹ کشتیوں کے پیداواری یونٹس اور ڈرون لانچنگ پوائنٹس کو نشانہ بنایا ہے۔ ان حملوں میں، روس نے "اسکینڈر-ایم” میزائل سسٹم کے ذریعے چرنی ہیف کے مشرق میں واقع یوکرین کے ڈرون لانچنگ مقام کو نشانہ بناتے ہوئے 100 ڈرونز سے لیس 20 ٹرکوں کو تباہ کر دیا۔مزید برآں، روسی فوج نے ڈینی پروپیٹروفسک میں واقع ویل بورووے بستی پر قبضہ کر لیا ہے۔
اسی دن، یوکرین کی مسلح افواج کے جنرل اسٹاف نے بتایا کہ گزشتہ 24 گھنٹوں کے دوران فرنٹ لائن پر 155 جنگی جھڑپیں ہوئیں، جس میں یوکرینی فوج نے مختلف محاذوں پر روسی فوج کے حملوں کو ناکام بنا دیا۔ یکم اکتوبر کو یوکرین کے فضائی دفاعی دستوں نے 44 روسی ڈرونز کو مار گرایا یا غیر موثر بنا دیا۔ یوکرین کی فضائیہ، میزائل دستوں اور آرٹلری یونٹس نے روسی فوجیوں، ہتھیاروں اور فوجی سازوسامان کےنقل و حرکت والے مقامات پر حملے کیے ہیں۔
