ٹیکس اصلاحات بل پر مسک کی تنقید سے ٹرمپ کے موقف پر کوئی اثر نہیں پڑے گا ، وائٹ ہاؤس

واشنگٹن :وائٹ ہاؤس کے پریس سیکریٹری لیوٹ نے کہا کہ ایلون مسک کی تنقید سے امریکی صدر ٹرمپ کی جانب سے بڑے پیمانے پر ٹیکس اور اخراجات کے بل کی حمایت میں کوئی تبدیلی نہیں آئے گی۔
بتایا گیا ہے کہ مسک نے اسی دن سوشل میڈیا پر ایک پیغام پوسٹ کیا کہ بڑے پیمانے ٹیکس اصلاحات سے متعلق یہ بل مضحکہ خیز اور ‘گھناؤنا ہے۔ مسک نے کہا کہ اس بل سے بجٹ خسارہ 2.5 ٹریلین ڈالر تک پہنچ جائے گا اور امریکی شہریوں کو ناقابل برداشت قرضوں کے بوجھ کا سامنا کرنا پڑے گا۔
مسک نے اس سے قبل بھی اس بل کو تنقید کا نشانہ بناتے ہوئے کہا تھا کہ ٹرمپ کا یہ ‘خوبصورت بڑا بل’ حکومتی کارکردگی کے محکمے میں اخراجات میں کمی کی ان کی کوششوں کو کمزور کرتا ہے اور بجٹ خسارے میں اضافہ کرے گا۔
یاد رہے کہ 22 مئی کو امریکی کانگریس کے ایوان نمائندگان، جس میں ریپبلکن قانون سازوں کی اکثریت ہے، نے ٹرمپ انتظامیہ کی جانب سے تجویز کردہ بڑے پیمانے پر ٹیکس اور اخراجات کا بل بہت کم فرق سے منظور کیا۔ اس کے بعد یہ بل سینیٹ میں غور کے لیےپیش جائے گا۔