بیجنگ:عظیم حب الوطنی کی جنگ میں سوویت یونین کی فتح کی 80 ویں سالگرہ کے موقع پر ، چائنا میڈیا گروپ اور چین کی اسٹیٹ فلم ایڈمنسٹریشن کی جانب سے ماسکو میں چین -روس مشترکہ پروڈکشن فلم "ریڈ سلک” کی تشہیری سرگرمی کا انعقاد کیا جائے گا۔ اس موقع پر چین اور روس کے مرکزی تخلیق کار اس حوالے سے اپنے تخلیقی عمل کو روشناس کرائیں گے ۔رواں سال ستمبر میں چینی عوام کی جاپان مخالف جنگ اور عالمی فاشسٹ مخالف جنگ کی فتح کی 80 ویں سالگرہ کے موقع پر یہ فلم چین میں ریلیز کیے جانے کا اعلان بھی کیا جائے گا۔
فلم "ریڈ سلک” رواں سال 20 فروری کو روس میں ریلیز ہوئی تھی اور اس نے باکس آفس پر 380 ملین روبل (تقریباً 30 ملین یوآن) کا بزنس کیا تھا۔ حقیقی تاریخی واقعات پر مبنی یہ فلم 1927 کی کہانی بیان کرتی ہے، جب چینی اور سوویت انقلابیوں نے اہم خفیہ دستاویزات کو کامیابی کے ساتھ محفوظ کرنے کے لئے شانہ بشانہ لڑائی لڑی۔
