سری لنکا کے وزیر خارجہ وجیتا ہرات نے کولمبو میں سفارتی کور سے ملاقات کے دوران وزارت خارجہ میں ایک تقریر کے دوران کہا کہ سری لنکا نے برکس اور نیو ڈیولپمنٹ بینک میں شمولیت کے لیے درخواست دینے کا فیصلہ کیا ہے۔اس حوالے سے حمایت حاصل کرنے کے لئے انھوں نے برکس ممالک کے اپنے ہم منصبوں کو خطوط بھی ارسال کیے ہیں۔انہوں نے کہا کہ برکس اقوام متحدہ کے چارٹر کے فریم ورک کے تحت جامع کثیرالجہتی کو مضبوط بنانے کے ذریعے باہمی فائدہ مند تعاون، امن اور ترقی کے حصول کے لیے ایک موثر شراکت داری کا میکنزم ہے۔
