بھارتی کرکٹر سرفراز خان نے جموں کشمیر کی لڑکی سے شادی کرلی
- 8 اگست, 2023
- 0
ممبئی (آئی پی ایس)بھارتی کرکٹر سرفراز خان نے جموں کشمیر کے ضلع شوپیاں کی لڑکی سے شادی کرلی۔
بھارتی میڈیا کی رپورٹس کے مطابق انڈین پریمئیر لیگ (آئی پی ایل) میں دہلی کیپیٹلز کی نمائندگی کر نیوالے سرفراز خان نے سماجی رابطے کی سائٹ انسٹاگرام پر شادی کی تصاویر بھی شیئر کیں۔
انہوں نے مقامی ٹی وی کو انٹرویو دیتے ہوئے کہا کہ “کشمیر میں شادی ہونا میرا مقدر تھا”، ڈومیسٹک سرکٹ میں پرفارم کررہا ہوں وہ دن دور نہیں جب ہندوستان کیلئے کھیلوں گا۔
دوسری جانب کرکٹر کی ایک جھلک دیکھنے کیلئے مداحوں کی ایک بڑی تعداد ان کی شادی میں شریک ہوئی۔
سرفراز خان کو دورہ ویسٹ انڈیز کیلئے بھارتی سلیکٹرز نے نذر انداز کردیا تھا، انہوں نے 2022-23 کے سیزن میں رنجی ٹرافی کے دوران 3 سنچریاں سکور کیں تھی جبکہ ٹورنامنٹ میں کرکٹر کی اوسط 92.66 سے 556 رنز بنائے تھے۔
